monumenta.ch > Plinius > sectio 208
Word Selection for Searching
Report an Error in this Sectio
Plinius, Naturalis Historia, 28, 208
{LVIII} utuntur et liene asso caprae hircive et sebo hirci in pane, qui cinere coctus sit, caprae a renibus maxime, ut per se hauriatur protinusque modice frigida. sorberi iubent aliqui et in aqua decoctum sebum admixta polenta et cumino et aneto acetoque. inlinunt et ventrem coeliacis fimo cum melle decocto.